Friday, March 9, 2018

Luke 19:27: Bibliya nagtuturo ng pagpatay?

Kapag napupuna ang karahasan ng Abu Sayyaf, ISIS at Maute ay nagiging defensive ang ilang Muslim.

Agad nilang inililihis ang isyu at ibinabaling ang usapan sa Bibliya. Anila, mas marahas ang "turo" ng Bibliya.

Ibinibinigay nila ang ilang talata na nagtuturo umano ng kasamaan at karahasan. Partikular nilang tinutukoy ang Luke 19:27.

Sa talata ay mababasa: “Datapuwa't itong aking mga kaaway, na ayaw na ako'y maghari sa kanila, ay dalhin ninyo rito, at patayin ninyo sila sa harapan ko."

Yan daw ang nagpapakita na mas marahas ang Bibliya. Inuutos daw ng Bibliya ang pagpatay.

Isa na naman iyang kamalian na itinuturo ng ilang Muslim na walang sapat na kaalaman sa Bibliya.

+++

Ang Luke 19:27 ay bahagi ng mga aral ni Kristo kaugnay sa mga "huling bagay," partikular ang Paghuhukom.

Sa Luke 19:11-12 ay makikita natin na ang eksena sa Luke 19:27 ay bahagi ng isang kwento kung saan inilarawan ni Hesus ang pag-alis ng isang Ginoo (nobleman) upang tanggapin ang kanyang kapangyarihang maghari.

Iyan ay tumutugma sa pag-alis ni Hesus sa lupa at pag-akyat Niya sa Langit upang tanggapin ang lubos Niyang kapangyarihan mula sa Diyos Ama.

Sa Pagbabalik ni Hesus ay Siya na ang Hari na huhukom sa lahat ng tao. Iyon na ang Huling Araw o ang Araw ng Paghuhukom.

Sa Luke 19:27 ay mababasa natin ang parusang gagawin sa mga taong hindi kumilala sa pagiging hari ng Ginoo. At iyan ay tumutugma sa parusang gagawin ni Hesus sa lahat ng hindi kikilala sa Kanya bilang Diyos at Hari.

Lahat ng hindi kikilala kay Hesus bilang Diyos at Hari ay papatayin sa Kanyang harapan.

Doon yan magaganap sa Huling Araw o Araw ng Paghuhukom. Hindi yan sa panahon ngayon, tulad ng maling sinasabi ng ilang Muslim.

Hindi rin yan tulad ng utos ng Quran sa Chapter 47:4 kung saan sinasabihan ang mga Muslim na pugutan, patayin at sugatan ang mga hindi naniniwala sa Islam. Utos din dyan na mang-kidnap at humingi ng ransom sa ngalan ng jihad o ang "holy war" ng Islam.

+++

Sa buong mundo ay balita ang pagpatay, pamumugot, pananakit at ang kidnap-for-ransom ng ilang Muslim tulad ng ISIS, Abu Sayyaf, Boko Haram, Maute at iba pa. Yang Quran 47:4 ang batayan nila ng kanilang ginagawa.

Ang karahasang gawa ng ilang Muslim batay sa Quran 47:4 ay ginagawa na nila ngayon at sanhi ng malaking kaguluhan at kapahamakan sa maraming tao.

Sa kabaliktaran, ang Luke 19:27 na ginagamit nila para mailayo ang isyu sa marahas na utos ng Quran 47:4 ay hindi ngayon kundi sa Araw ng Paghuhukom.

Kaya mali ang sinasabi ng ilang Muslim na nagtuturo ng karahasan o pagpatay ang Bibliya. Alam nila na sa Araw ng Paghuhukom ay paparusahan ng Diyos ang mga hindi kikilala sa Kanya. At yan na nga ang sinasabi sa Luke 19:27.