2 salinglahi ni Hesus magkakontra?

NOTE: Kung mayroon po kayong tanong o komento ay welcome po kayo mag-comment sa ibaba. Maraming salamat po.

ISANG pinagpalang araw po sa ating lahat.

Mayroon pong nagpapakilalang Balik Islam (convert sa Islam) na nagti-text sa atin at ipinagpipilitan po na may contradictions sa Bibliya.

Ang BIBLIYA? May mga KONTRA-KONTRA? TOTOO po ba ITO?

Isa po sa ibinigay niyang kontra-kontra umano ay ang mga "GENEALOGY" o SALINGLAHI ng ating Panginoong Hesu Kristo sa Matthew 1:1-18 at Luke 3:23-38.

Ayon sa Balik Islam na nag-text sa atin ay "magkaiba" ang nilalaman sa mga salinglahi na iyan.

Alam po ba ninyo na TAMA SIYA?

MAGKAIBA po talaga ang mga SALINGLAHI na binabanggit sa Matthew at Luke: Ang nasa Mt 1:1-18 po ay ang SALINGLAHI ayon sa LINYA ng STEPFATHER ni Hesus na si JOSEPH.

Samantala, ang nasa Lk 3:23-38 po ay ang SALINGLAHI ayon sa LINYA ng INA ni KRISTO na si MARIA.

Ang MAGKAIBANG genealogy na iyan ay ibinigay ng mga EBANGHELISTA upang ipakita na sa alin mang SALINGLAHI tingnan ay galing si HESUS sa ANGKAN ni HARING DAVID at TAGAPAGMANA sa KAHARIAN ni David.

At dahil MAGKAIBANG SALINGLAHI ang tinutukoy sa Matthew at Luke ay NATURAL na MAGKAIBA rin ang NILALAMAN ng bawat isang genealogy.

Diyan ay malinaw natin makikita na WALANG KONTRAHAN sa dalawang salinglahi. MALI ang tinutumbok ng Balik Islam na nag-text sa atin.

Pero itinatanong ng ilan kung bakit hindi man lang nabanggit ang pangalan ni Maria sa Lk 3:23-38 kung iyan ay salinglahi ng ina ni Hesus.

Simple lang po ang paliwanag diyan: Sa mga HUDYO ang mga BABAE ay HINDI ISINASAMA sa paglalahad ng SALINGLAHI ng isang tao. Ang binabanggit ay ang mga LALAKE lang. Kaya po sa halip na si MARIA ang banggitin ay ang ASAWA niyang si JOSEPH ang binanggit. (Lk 3:23)

Marami po ang NALILITO sa bagay na iyan dahil HINDI NILA ALAM ang KAUGALIAN sa KULTURA ng mga HUDYO.

Gumagawa sila ng KONKLUSYON na HINDI NILA NAUUNAWAAN ang kanilang BINABASA.