Tamang pag-unawa sa Bibliya

NOTE: Kung mayroon po kayong tanong o komento ay welcome po kayo mag-comment sa ibaba. Maraming salamat po.

PILIT po talagang sinisiraan ng isang Balik Islam o convert sa Islam ang Bibliya. Pero tulad po ng naipakita natin ay MALI ang pagpuna niya dahil ang kanyang mga sinabi ay bunga ng MALI ring PAGKA-UNAWA sa BANAL na KASULATAN.

MARAMI po siyang HINDI ALAM tungkol sa BIBLIYA at kung ano man po ang alam niya ay malinaw na KULANG o LIHIS.

Ang masaklap po ay kahit IPINALIWANAG ko na sa kanya ang TAMA ay AYAW NIYA itong TANGGAPIN.

Ang iginigiit pa rin niya ay ang PANSARILI niyang NALALAMAN. Nagiging TOTOO po tuloy ang sinasabi ng Proverbs 18:2.

Sabi riyan, "Ang HANGAL ay hindi nakakahanap ng kaluguran sa PAGKAUNAWA pero natutuwa sa pagsasabi ng SARILI niyang HAKA-HAKA."

Gusto po niyang palabasin na "mali" ang Bibliya sa pamamagitan ng pagtutok sa mga umano ay "contradictions" nito. Pero tulad po ng naipakita na natin ay WALA pong CONTRADICTIONS sa BIBLE.

Ang BIBLIYA po kasi ay GALING sa UDYOK ng ESPIRITU SANTO. Sabi po sa 1 Timothy 3:16, "Ang LAHAT ng KASULATAN ay HININGAHAN ng Diyos at kapakipakinabang sa pagtuturo, pagsansala, pagtutuwid at pagsasanay sa katuwiran."

Ang hindi po nauunawaan ng marami (kasama na ang Balik Islam daw na pilit na pumupuna sa Bibliya) ay sa kabila ng NAGMULA sa ESPIRITU SANTO ang mga NAKASULAT sa BIBLE, ito ay NASULAT pa rin sa WIKA ng TAO.

Ibig sabihin po niyan ay GINAMIT ng ESPIRITU SANTO ang WIKA, KULTURA, PANG-UNAWA at PANANALITA ng TAO para maipa-intindi rito ang gusto Niyang sabihin.

Halimbawa po, ang PINILI at GINAMIT ng DIYOS para ipahayag at ipakilala ang Kanyang sarili ay ang WIKA, KULTURA at PANG-UNAWA ng mga HEBREO at mga GRIEGO.

Kaya nga po ang mga una Niyang pinagpakitaan at kinausap ay sina ADAN, NOAH, ABRAHAM, ISAAC, JACOB, MOISES at iba pang mga NINUNO ng BAYAN ng ISRAEL. Mula sa kanila nanggaling ang TRIBO ng mga HEBREO.

Ang salitang "HEBREO" ay galing sa matandang salita na APIRU o HABIRU. KINUKUMPIRMA ng matatandang kasulatan ng mga SUMERIAN, EGYPTIAN, AKKADIAN, HITTITE, MITANNI at UGARI ang pagtawag sa kanila ng APIRU o HABIRU.

Iyan ay noon pang 2000 BC hanggang 1200 BC. Kung paanong ipinakikita sa BIBLIYA na ang mga UNANG HEBREO na tulad nina ABRAHAM at MOISES ay PALABOY-LABOY lang sa DISYERTO (Genesis 11 patuloy) ay GANOON din ang pagkakakuwento sa kanila ng mga MATATANDANG SIBILISASYON na nabanggit natin sa itaas.

Ibig sabihin lang po na TAMA at KATIWA-TIWALA ang SINASABI ng BIBLIYA kaugnay sa kanila.

Ngayon, dahil sila ang PINILI at GINAMIT ng DIYOS ang kanilang WIKA, KULTURA at PANG-UNAWA rin nila ang PINILI at GINAMIT ng ESPIRITU SANTO para IPAKILALA at IPAHAYAG ang Kanyang sarili sa TAO.

Kaya nga po para maunawaan natin ang BIBLE (partikular sa LUMANG TIPAN) ay MAHALAGA na MAUNAWAAN natin ang WIKA at KULTURA ng mga HEBREO.

Marami po ang NAGKAKAMALI sa PAG-UNAWA sa BIBLIYA dahil pilit nilang INUUNAWA ang sinasabi nito gamit ang WIKA at KULTURA natin NGAYON.

HINDI nila ALAM ang mga SIMBOLISMO, mga KAHULUGAN ng mga SALITA, ng mga NUMERO at iba pa na HEBREO. Tapos ay pilit nila itong inuunawa gamit ang MALI na PANUKAT.

At dahil MALI ang ginagamit na PANUKAT ay MALI rin ang "SUKAT" o UNAWA nila sa kahulugan ng mga KASULATAN.

Para MAUNAWAAN natin nang TAMA ang sinasabi ng BIBLIYA ay KAILANGAN MAUNAWAAN NATIN ang WIKA, KULTURA at iba pang bagay na HEBREO. Iyan nga kasi ang PINILI ng DIYOS para IPAHAYAG ang KANYANG SARILI sa TAO.

Isa pang PINILI at GINAMIT ng DIYOS ay ang WIKA at PANG-UNAWA ng mga GRIEGO.

Kaya nga po kapag mayroong dapat unawain na aral o bagay mula sa Bibliya--partikular sa Bagong Tipan--ay kailangang BALIKAN NATIN ang mga ORIHINAL na SALITANG HEBREO o GRIEGO.

Sa madaling salita po ay INILALAGAY natin sa TAMANG KONTEKSTO ang isang SALITA o TALATA para natin iyon MAIPALIWANAG.

Kung hindi po kasi natin gagawin iyan ay MALILIGAW din tayo ng PANG-UNAWA tulad ng PAGKALIGAW ng texter natin na Balik Islam.

HANAPIN po natin ang TAMANG PAGKAUNAWA dahil ang nakakatagpo sa PAGKAUNAWA ay nakakatagpo sa DIYOS.