2 Sam 24:1 at 1 Chr 21:1 nagkontra?

NOTE: Kung mayroon po kayong tanong o komento ay welcome po kayo mag-comment sa ibaba. Maraming salamat po.

Isa pa pong "contradiction" ang tinukoy ng isang Balik Islam na nagti-text sa atin: Ito ang sinasabi ng 2 Samuel 24:1 at 1 Chronicles 21:1.

Ano po ba ang sinasabi riyan? Sabi sa 2 Sam 24:1, "Muli ang galit ng PANGINOON ay nag-alab laban sa Israel, at kanyang ikinilos si David laban sa kanila, na sinabi: Humayo ka, bilangin ang mga tao ng Israel at ng Judah."

Anang texter natin, diyan daw ay malinaw na ang PANGINOON ang nagkilos kay David laban sa mga Israelita.

Ngayon, eto naman daw ang sinasabi sa 1 Chr 21:1: "Tumayo si SATANAS, at ikinilos si David na bilangin ang mga tao ng Israel."

Diyan daw ay si SATANAS na ang nagkilos kay David. Dispuwes, aniya, "magka-kontra" ang 2 Sam 24:1 at 1 Chr 21:1.

Tama po ba ang texter nating Balik Islam?

SORRY po pero MALI SIYA. WALA pong magka-kontra riyan. Sa 2 Sam 24:1 ay ipinakita lang na NILOOB ng DIYOS na IKILOS si DAVID.

Sa kabilang dako, sa 1 Chr 21:1 ay IPINAKITA lang na si SATANAS ang mismong NAGKILOS kay DAVID.

Ang ipinapakita po riyan ay ang BUONG LARAWAN ng PROSESO kung PAANO NANGYAYARI ang mga BAGAY-BAGAY sa LARANGAN ng ESPIRITWAL na MUNDO.

Ang simpleng ipinapakita riyan ay WALANG NANGYAYARI na HINDI PINAYAGAN ng DIYOS.

Para po maunawaan natin iyan ay tingnan natin ang pangyayari kay JOB. Sa Job 1:6-12 ay napag-usapan ng Diyos at ni Satanas si Job, na isang tapat na alagad ng Panginoon.

Ayon sa Job 1:9-11 ay kinuwestiyon ni Satanas ang pagiging tapat ni Job. Sabi riyan ni Satanas, "Natatakot ba si Job sa Diyos nang walang kabuluhan?"

"Hindi ba naglagay ka ng bakod sa paligid niya at sa kanyang bahay at lahat ng nasa kanya?"

"Biniyayaan mo siya ng gawa ng kanyang mga kamay, at ang kanyang mga ari-arian ay dumami na sa lupain."

"Pero IUNAT MO ngayon ang IYONG KAMAY, at GALAWIN MO ang lahat ng nasa kanya, at isusumpa ka niya sa iyong mukha."

Paki pansin po na ang hinihingi ni Satanas na IUNAT ng DIYOS ang KANYANG KAMAY at KUMILOS laban kay Job.

Ngayon, sa Job 1:12 ay sinabi ng Diyos kay Satanas, "Sige, ang lahat ng kanya ay sa IYONG KAPANGYARIHAN; pero huwag mong IUNAT ang iyong KAMAY laban sa kanya!"

"At si Satanas ay umalis sa harapan ng Panginoon."

Ang sumunod na mga pangyayari ay KUMILOS na si SATANAS laban kay JOB.

Paki pansin po na ang MISMONG KUMILOS at NAG-UNAT ng KAMAY LABAN kay JOB ay si SATANAS. Sa kabila niyan ay itinuturing na iyon na DIYOS ang NAG-UNAT ng Kanyang kamay laban kay Job.

Bakit po ganoon?

ITINURING at INARI na ang DIYOS ang KUMILOS LABAN KAY JOB dahil PINAYAGAN o NILOOB ng DIYOS na MAIUNAT ang KAMAY ni SATANAS laban sa Kanyang alagad.

Ganyan din po ang ipinapakita sa 2 Sam 24:1 at 1 Chr 21:1.

Sa 2 Sam 24:1 ay NILOOB ng DIYOS na IKILOS si DAVID at sa 1 Chr 21:1 ay ipinapakita na SI SATANAS ang MISMONG NAGKILOS kay David.

Diyan natin makikita na WALANG KONTRA-KONTRA sa 2 Sam 24:1 at 1 Chr 21:1. MALI lang po ang PANG-UNAWA ng ating texter dahil KULANG ang ALAM NIYA sa BIBLE. Salamat po.